كلمة (البشكاره )

[ولد الشارقه]

السلام عليكم --28---
عيدكم مبارك وعساكم من عوادت العيد
بعد انقطاع طويل ارجع لكم ومعاي موضوع يديد وهي كلمه البشكاره ومعناتها وليش قالو عند الخدامه بشكارة


قصة كلمة البشكاره..

قبل انتشار السيارات في الامارات...يعني محد كان عنده سياره غيير الشيووخ والانجليز

يقول واحد من الانجليز كان رايح الشارجه....طريقه على دبي

مر الشارجه ...دش البر وغرز

حاول يطلع السياره ماقدر...

نزل من سيارته ودش الشارجه وين السوق وكان يعرف شوي عربي

...حصل شله شياب ...فقالهم انا في سياره داخل رمل ومايقدر يطلع

المهم الشياب فهمو عليه وطلعو نشامى....زقرو البتانيه الي هناك وقالولهم تعالو ورانا

وصلو وين السياره...وقالو حق البتان ساعدوووه


الانجليزي كان كل مايعطي السياره ريس ...يقول حق البتانيه( بوش ذا الكار)push the car

واحد من الشياب ضحك...اونه الفاهم عاااد...

قال ها الانجليز سالفتهم عجيبه...يسمون الخدام بشكار

ومن يومها اونه وللحين يسمون الخدامه بشكاره

منقول .....
واسمحولنا بالقصور

[أبوعبدالعزيز]

والله يمكن يكون المعني قريب من الكلمه
عيدك مبارك ومرحباً بعودتك الى المنتدى