سيارات زمان

[طائر السعد]

السلام عليكم ورحمة الله وبركاته

سيارات زمان هي سيارات عاديه ومن مميزاتها :

1- باب واحد : في حالة السيارات بيدفورد .
2- لها فتحه من فوق : سبيشل من احلى ما يمكن . الهواء يدخل من فوق
وفي الصيف يهب عليك الهواء الحار من الداخل لأنها كلها مخبكه . يعني فيها فتحات مختلفة يمكن من الدعمه او حصاه طايرة او فرخ ( ولد ) فر السياره وهي تسير على الشارع الترابي المسفلت بالتراب . أو ان سائق السيارة مر على عمود في الليل ما شافه , دعمه ولا يمكن يدعم البيت الموجود بجوار العمود وهذه الأعمده مال الكهرباء صاحبها واحد اسمه الدوخي الله يرحمه ويحسن اليه هو يركب الأعمدة و الأخوان تالى الليل مأدري شو شاربين يمكن ازعتر قام ودعم العمود .
3- اذا عطلت السيارة دزوها و لازم تشتغل .
4- الصبغ : ماسك و لا يتغير نفس اللون ولكن عند تغيير اللون السالفة تختلف يحطوله مثل الجوله يحرقون الصبغ و السياره صامده .

نكمل بعدين

طائر السعد

[بوعوف]

ياهي سيارات عجيييبه ... بس أقول .. وين كانت الوكاله مال السيايير ؟
و كم كانت جيمة السيارة قبل ؟

[طائر السعد]

والله شوف ........... مأدري
واسمع أو قرأ ..... اول ما نشوف السياره يايه من الطريق نترصد لها وبمجرد ما تمر علينا نركض وراها اذا لحقيتها اتلعق بها واذا الواحد ما قدر يلحقها اقل حاجه نسويها اتدور على حصاه ونفرها اذا وصلت الحصاه السياره يتكسر منها شئ أو ان صاحب السياره ينزل وسب ويلعن لا ويمكن يشتم .
كان عندنا محطه للقوات البريطانية البرية و الجويه . وعندم سياير بعد ما تتعب من عندم يعرضونها للبيع ويشترها التجار ثم تمباع على عامة الشعب بعدين يستخدمونها .

بعدين نكمل

[semsem]

السلام عليكم ورحمة الله وبركاته
أما سيارات زمان فكانت تمام 00 مثل كل صناعات زمان 00 المتانة والجودة 00 لأن زمان كان الضمير صاحي والغش عند الناس حرام 00كمان البركة موجودة00بس مايعيب حاجات زمان الافتقار الي الجمال مثل الايام دي
سمسم

[بوعوف]

وكانت سيارات غير شكل .. لها أشكال عجيبه و غريبه ...
بس الشي الوحيد للي كان فيها ان سرعتها مب وايد كبيرة وهذا زين حق الشواب ...اللي ما يرومون يسرعون وايد ....
لووول
تراها السرعه مب زينه لأن الرادار بيزخك .. وعقب لا زم تدفع مخالفه .. :)

[semsem]

السلام عليكم
عندنا في مصر معظم السيارات قديمة جدا يعني فيه سيارة موديل الخمسينات وتلاقيها ماشية في الشارع اخر حلاوة وكأنها جديدة بينما السيارات الحديثة لايمر عليها سنة او اثنين حتي تجدها تغير اللون وتعب المتور وتهشم الصاج لامن الصدمات ولكن من جلوس الأطفال عليه من الأعلي
سمسم

[عطيات]

السلام عليكم وانا اسلم وااااااااايد وااايد على بو عوف صدق ان هو قطعنه بس ما علي لان يمكن كان عنده ظروف.
اقول السيارات كانت والله شي ويلا يا طائر السعد ما كملت الباقي.


باااااااااااااااااااااااا ااااي

[ولد الشارقه]

هي سيارات سيارات بس شو بتقول عن سيارات الحين

وانا عندي وحده منهن بس مشكلتها البطاريه عيزت وانا اشتريلها بطاريه ولا كانت واقفه في البيت لمده 6 سنين وتعديل خفيف من اول دقه سلف وماشاءالله عليها


واضن ان طائر السعد نسى يكمل الموضوع
|4| |4|