لمحبي الاشاعات بس اللي بيزعل لا يدخل

[عطيات]

لمحبي الاشاعات بس الي بيزعل لال يقرب صوبنا ولا يدخل.:)

السلام عليكم

هلا حبايبي عندي لكم لعبه حلووووه بس اللي يزعل لا يشترك بالعبة

انا شفته بمنتدى وعجبتني الفكره

اللعبه هي كل واحد يطلع اشاعة على الثاني مثل انا اقول

سمعت انه بو عوف يبي ينتحر:confused:

[بوعوف]

وحليلي ... وين بنتحر ... جنلنيتي يا عطيات .... ليش شو سويت ؟؟
يعني شوي غبت عن المنتدى قلتي انا انتحرت ....

المهم ... انا بجذب بعد
سمعت انه عطيات طردوها من المدرسه....لووول

[طائر السعد]

انا زخيت بوعوف من رجله وقبل ما ينتحر سالته ليش ؟
قال السبب مأدري بعدين دزيته وطاح
وأنا رديت عطيات الى المدرسة لأنها شردت من فوق سور المدرسة و صلخت اريولها والدمامين اتسيل , ليش هربتي من المدرسة ياعطيات ؟قالت ابغي آكل كيمه .
وبس

[عطيات]

السلام عليكم
اصلا انا ما شرت من المدرسة ولا بو عوف انتحر بس هذي اشاعات بس الي مب اشاعة وصدق ان طائر السعد ساجنينا لان مركب ويا في التاكسي ماله خرفان وعنوز.

وشكرا

[طائر السعد]

تقول عطيات " بس الي مب اشاعة وصدق ان طائر السعد ساجنينا لان مركب ويا في التاكسي ماله خرفان وعنوز "

انا ياعطيات مركب خرفان و ...... تعرفين ليش

أكيد نسيتي أن هذا الخروف نطحك وطرحك على بوزك وسالت التمامين ويوم رديت الى البيت ضربوك ضرب البلى . انا شو قلت ازخ هذا الخروف واذبحه لكم على نجاحكم في الإمتحانات .

وانا على ويهي زخيت الخروف و خليت العنز , ووديت الخروف الى مسلخ البلديه , وقلت احسن مسلخ , مسلخ دبي .

نزلته من السياره الكابرس , وخذاه الباكستاني الضخم الى داخل المسلخ , الخروف من شاف اخوانه يذبحونهم مثل الدجاج , هد بعمره وركض برع , ما تم هندي و لا باكستاني الا وركض وراه , واحد يقول زخوه والثاني يقول هاتوه والثالث يقول خلوه يولي , وصل الخروف الى البوابة الرئيسية , الحارس قال بزخه , لكن الخروف من الزيغه ما شاف اي شئ , ومن شدة الركض نطح البواب وطرحه على القار , وصاح الباكستاني : هذا خروف مال منوه لازم ارباب الخروف يعطيني بلوس , وصلت وشافت المنظر والباكستاني طايح , هلكت من الضحك ونسيت الخروف لكن بعدين اذكرت الخروف , قالت بركب السياره وبسير خلف الخروف , لكن الخروف من شدة الركض سوى وراه غبار , ما حصلوه لأنه خايف من الموت .

رجعت الى البيت زعلان , ما ادري شو صار , لقيت الشرطة واقفه عند باب بيتي, وقالولي انته فلان , قالت : نعم قالوله : انته مقبوض عليك لأن خروفك نطح عطيات , وكسر اسنانها الجداميه وهي ما تقدر تتكلم حتى مخارج الحروف تنطقهم غلط قالت كيف ؟ قالوا تنطق حرف السين شين , ولاتنسى ان خروفك هذا لازم يتسفر , وعلى طول خذوني الى التوقيف و الخروف ودوه الى الصومال .

والى قصة العنز الى شربوها حلول :o

مع السلامه

[عطيات]

السلام عليكم
انا يا طائر السعد نطحني الخروف وكسراسناني براويك يا طائر السعد وبتشوف ان ما راويتك ما يكون اسمي عطيات

بااااي

[عطيات]

السلام عليم
احين بقولكم شو سمعت عن طائر السعد....
سمعت انه بمستشفى المجانين
سمعت انه شانق عمره
سمعت انهبمستشفى الامل
سمعت انهنجح في الجامة
سمعت انه يشتغل راعي رويد وجرجير.
وسمعت عنا اشياء وايد بس ما بتكفي الصفحة لو كتبت.
انا عندي سؤال وين بو عوف.

[أبوعبدالعزيز]

هذا الكلام وايد قوي
لا معقوله
من وين تبين الأخبار

[بوعوف]

بوعوف موجووووووووووووود ...

[أبوعبدالعزيز]

عطيات
وينك يا عطيات
مشغوله ............. يمكن
لكن تنسين المنتدى
وين سوالفج
الله يردك بالسلامه

[عطيات]

السلام عليكم...
أنا رديت المنتدى.. ومستحيل أنسى المنتدى... لأني وايد أحبه بس انقطعت عنكم هالأيام لأني كنت مشغولة شوي...
سامحوني...

[أبوعبدالعزيز]

السلام عليكم...
أنا رديت المنتدى.. ومستحيل أنسى المنتدى... لأني وايد أحبه بس انقطعت عنكم هالأيام لأني كنت مشغولة شوي...
سامحوني...

وينك يا عطيات
والله زمان
أكيد مشغوله في الدراسه
ولكن يجب عليك زيارتنا بين الحي والآخر
والله اشتقتنا لمواضيعك
مع السلامة

[بوعوف]

... المنتدى تيه فترات .. ممكن ينتعش و يرجع احسن من ماكان بس المهم انه محد يغفل عنه و تعطيه شوي من وقتك .. و تشاااارك ...


بعدين من صوب الاشاعات سمعت انه بوعبدالعزيز حاط جائزه لأنشط عضو .. بورش كايين موديل 2005 ... صح الكلام ولا لا ؟؟

[قطو مطابخ]

أكبر اشاعه انه ( قطو مطابخ ) خلوه مشرف }}} كل شي جايز

[أبوعبدالعزيز]

تم بس مشرف
انته قطو تامر وبس
اختار القسم
بالنسبة للبورش بعدها في المصنع
لما اتخلص اصير خير
لكن ...

[قطو مطابخ]

آخر إشاعة }}} قمر البدو الاصطناعي إنفجر وطلع السبب أنه في حد من المركبية حط حليب البقر بدل حليب الناقة في القمر الاصطتاعي ......
خخخخخ

[خورفكاني]

لا والله

ليش يعني قطو المطابخ يصير مشرف

وانا تخلوني عالزاوية

والله اني زعلان منكم

بااااااي








































هذي اخر اشاعاتي
هههههههههه

[خورفكاني]

عندي اشاعة حلوة عن ابوعبدالعزيز

الي يبا يعرف الاشاعه



يــتــبــعــنــي .. .. .. .. .. .. |4|























































ان بوعبدالعزيز .........



































يصير مديرنا في المنتدى |2|





هذي اشاعه اخر زمان

هاهاهاهاهاي




وبعدين اذا بوعبدالعزيز يصير مديرنا
عيل انا شو اطلع .. ;) ؟

[abdalla]

صدقوني ما أعرف كيف أطالع أشاعة
بس حبيت أشارك
مشكور على اللعبة